السبت، 28 نوفمبر، 2009

قد جمعتنا كلمة التوحيد .... فكيف تفرقنا كرة القدم ؟

مليون شهيد .. وتاريخ مجيد

من الكفاح المشترك

وخوض غمار المعترك

وفي آخر الشوط أخسرك

مين علمك تقتل أخوك .. و أمك وأبوك

واحنا اللي قدمنا الدما قبل العرق

خلاص وصلنا لمفترق

وثورتك .. حريتك

دول كان مخاضهم أرضنا .. وفحضننا

تيجي انت تهتك عرضنا

تحرق علمنا ..

اللي كان شاهد على قبر الشهيد

وترهب الطفل الوليد

تنسى تاريخك يا بليد

بقى هو ده الجيل الجديد

ده نسل بن بيلا وبومدين والرجال

اللي لما ضاق الكون عليهم شدوا لبلادنا الرحال

رفعوا علمهم فوق صدورنا قبل ما يغوص في الرمال

غمض عيونك جوه قبرك يا جمال

ماتشوفش أحفاد النضال

واقفل ودانك .. أصل البيان الجاي من صوت العرب

بيقول على المصري انضرب

بيقول تاريخك كله كان وهم وخطب

نام يا بطل .. لا عليك ملامة أو عتب

وانزل يا واد يا بربري من فوق كتاف القاهرة

انت فقدت الذاكرة

لا تصلي في الأزهر .. ولا تمشي في حواري السيدة

ولا تسمع الكوكب وهي منشدة

ولا تقرا محفوظ النجيب

ولا حتى تسمع عندليب

خلليك كده

تحرم عليك كل العيون والأفئدة

تحرم عليك كل الدماء والأوردة

وبريئة منك ألف مدنة وكل جبهة ساجدة

وأنا هافضل المصري .. كريم العنصرين

اللي متربي .. وساكن في الحسين

اللي علمتك تقول الضاد وتنطق كلمتين

يا ابو اللسان الأعجمي

إنزل يا واد .. من فوق كتاف القاهرة

من إمتى بتشيل العيال ؟

دي مصر ولادة رجال

سادات .. مبارك .. ومعاهم الناصر جمال

واقفين على شط القنال

رافعين علمها .. اللي بإيديك اتحرق

رجالة من عزة وشهامة .. مش ورق

يا حارق الطوق والشراع

مين راح ينجيك من الغرق
-------------------
قصيدة للشاعر المصرى محمد السعيد

هناك 12 تعليقًا:

نحو المعالى يقول...

السلام عليكم ورحمةالله وبركاته

عيد سعيد.. تقبل الله منا ومنكم

"واعتصموا بحبل الله جميعا ولا تفرقوا واذكروا نعمة الله عليكم إذ كنتم أعداء فألف بين قلوبكم فأصبحتم بنعمته إخوانا"

لا إله إلا الله..
تلك زوبعة إعلاميه..هدفها التفريق بين المسلمين بإظهار النعرات القومية
لكن سيبقى المؤمن للمؤمن كالبنيان المرصوص يشد بعضه بعضا


اللهم انصر الإ سلام وأعز المسلمين

إنتظارات شاهقة يقول...

ازيك يا ملاك
يا بنتى بطلى اختفاء
أنتٍ بتشوفى غلاوتك؟؟
طيب أنتِ غاليه
كويس كدة؟؟
:))
وحشتينى!!

ود

Tamer Nabil يقول...

كل سنة وانتى طيبة

عيد سعيد

----

كلامك صج

بجد اللى حصل دة مش عارف اقول علية اية بس

ربنا يهدى يارب

مع خالص تحياتى

(Joudy) يقول...

فينك يا ملاك وحشتينى والله غيبت ولما رجعت لقيتك قفلتى التعليقات مش عرفت أوصلك حمد الله على سلامتك وكل سنة وانتى طيبة ويارب ديما منورة البلوجر

دمتى بكل الخير والسعادة

نور الدين يقول...

السلام عليكم
...................
والله انا كنت داخل وأنا واثق إنى كالعادة هرجع بخفى حنين ومش هلاقى جديد يطمنا عليكى
لكن الحمد لله وجدت الجديد وكم أسعدنى أن أطمئن عليك أيتها الاخت الغالية العزيزة
فأنت ياملاك والله يعلم من اقرب الناس واكثرهم إحرازاً لإحترامى وتقديرى وإذا سؤلت كم أخت لك لقلت أربعة ثلاث ولدتهن أمى وانت الرابعة
شوفتى بقى ياستى خلتينى سبت القصيدة الجميلة وقعدت اتكلم عن إفتقادنا ليكِ
...
طبعا موقف الماتش كان مختلط وسببلى أنا شخصيا دوار وكتبت بوست بإنفعلا شديد لا أخفى عليك ِ أختاه أنى ندمت عليه لأنى حملت على كل ما هو جزائرى حملة شعواء
لكن الآن أنا متوقف حتى أكتب ما يناسب القضية فقد ظهر جليا الشرخ فيما يسمى بالعروبة والقومية العربية التى ما وثقت بها يوما لأن أمتنا هذه وكما أشرت ِ أنت ِ لا يوحدها إلا كلمة التوحيد أما القوميات والعنتريات فهى فشل فى إثر فشل
...
ملاك رجاء من أخ ليكى بلاش تغيبى تانى كتير أوى كدة
ياستى طمنينا عليكى حتى كل اسبوعين ببوست هنا أو تعليق فى أى مكان يطمنا عليكى
حفظك الله أختا ً طاهرة وزهرة برية نقية
أخوك ِ
............
نورالدين محمود

rovy يقول...

السلام عليكم ..
اختى الحبيبه ملاك ازيك .. وحشانى جدا
وحشتنى مدونتك كمان .. معلش سامحينى لأنى اتأخرت فى انى أعيد عليكى كل سنه و انتى بالف خير و سامحينى لأنى فى العيد كان عندى ظروف بعدتنى شويه ..
القصيده رائعه جدااا و عبرت عن احساس كل مصرى اتصدم من اللى حصل .. ربنا يهدينا للحق و يعيننا لما هو ات ..
اكيد مش كل الجزائرين كده .. اكيد فيه ناس رافضين اللى حصل بس صوتهم مش واصل و لحد ما نسمعهم حيفضل الجرح ينزف

تحياتى لكى غاليتى

الصقر الجرئ يقول...

مصر ليست وطنا نعيش فيه فقط بل أيضا وطنا يعيش فينا .

مدحت محمد يقول...

بقالك فترة منزلتيش كتابات


السلام امانة لما تشوفى سارة على قليلها مدحت بيسلم عليكى

nour shahen يقول...

فينك كلمه رردتها فى صدرى من وقت طويل وكل مره اتصفح اقول هتكتب اكيد المره الجايه طيب الاسبوع الجاى طيب الشهر الجاى طيب مبقاش فى الا انى انطقها واقول فينك روحتى فين ومش بتكتبى ليه
انا عارفه ان بتيجى ظروف تعطل بس انشرى اى شىء يعرفنا انك موجوده لسه معانا حتى لو تقولى ازيكم وانا بخير يا رب تكونى بخير وابقى طمنينى عليكى

كلمات من نور يقول...

أسرة منتدى زبد البحر يسالونك شاكرين بأن تنضم إلينا :
http://mhg1962.ba7r.org/forum.htm

قلب مصرى يقول...

الأخت العزيزة / الملاك
أين أنت؟

romansy يقول...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين